Մոսկվան Ռուսաստանի քաղաքական և տնտեսական կենտրոնն է: Հինավուրց Կրեմլի պատերը, կապույտ երկնքի ֆոնին սուտակե աստղերը երկրի անփոփոխ խորհրդանիշներն են: Այս քաղաքը յուրաքանչյուրին հնարավորություն է տալիս իրականություն դարձնելու նույնիսկ ամենահամարձակ ու անհավատալի երազանքները:
Մոսկվան գտնվում է երկրի եվրոպական հատվածում: Բնակչության թվով այն Եվրոպայի ամենամեծ քաղաքն է, որի տարածքը կազմում է ավելի քան 2500 կմ2: Մոսկվան ունի 9 երկաթուղային կայարան, 2 գետային կայարան և 3 հիմնական օդանավակայան: Սա զբոսաշրջիկներին թույլ է տալիս Ռուսաստան գալ ցանկացած հարմար եղանակով ՝ ցամաքով, ջրով կամ օդով:
Օդանավակայանի տերմինալները իրար են կապում ավելի քան երկու հարյուր ուղղություն, որոնցով թռչում են աշխարհի հիմնական փոխադրողները: Այն հազարավոր օդային ուղիների խաչմերուկն է, որտեղ հայտնվում են մարդիկ, ովքեր եկել են Մոսկվա՝ տեսնելու հայտնի հուշարձանները, կնքելու խոշոր պայմանագրեր կամ վաստակելու ոսկե մեդալ:
Շերեմետևո միջազգային օդանավակայան: Մարդկանց անվերջ հոսք և ֆուտուրիստական ճարտարապետություն:
Շատերի համար այսպես է սկսվում առաջին ծանոթությունը Մոսկվայի հետ: Մայրաքաղաքային կյանքը հայտնի է իր խելահեղ ռիթմով, որտեղ երաշխավորվում են մի շարք վառ տպավորություններ: Այս քաղաքը ընդունում է միլիոնավոր զբոսաշրջիկների: Շերեմետևոն՝ Մոսկվայի ամենամեծ օդանավակայաններից մեկը, ամեն օր սպասարկում է ավելի քան 70 000 ուղևորի: Օրական՝ 650 թռիչք և վայրէջք:
Տասնյակ տաքսի ընկերություններ և ավտոբուսային երթուղիներ զբոսաշրջիկների տրամադրության տակ են: Քաղաքի կենտրոնը գտնվում է մոտ 30 կիլոմետր հեռավորության վրա: Բայց ավելի հեշտ է ՝ հետևելով ուղևորների հոսքին, ուղևորվել դեպի Աէրոէքսպրես: Սպասման սրահներն ու հարթակը միացված են ծածկված անցուղիներով: Եթե խորհրդատուի օգնության կարիքը չունեք, ավելի լավ է տոմս գնել ոչ թե տոմսարկղերից, այլ տասնյակ էլեկտրոնային տերմինալներից մեկից, իսկ այնուհետև, ուղևորվել դեպի վառ կարմիր գույնի էքսպրես ավտոբուս, որն անհիշելի ժամանակներից համարվում է քաղաքի խորհրդանիշը:
Օդանավակայանը քաղաքի կենտրոնի հետ կապվում է հարմարավետ երկաթուղային հաղորդակցության միջոցով։ Աէրոէքսպրեսը մեկնում է ամեն կես ժամը մեկ: Ուղևորությունը տևում է ընդամենը 35 րոպե:
Մոսկվա մեկնելուց առաջ կարևոր է իմանալ, որ քաղաքը կառուցվել է ճառագայթային – օղակաձև սկզբունքով: Հնամենի փողոցները սկսվում են Կրեմլից, որին նախ շրջապատում է Բուլվարնոյե կոլցոն, այնուհետև Սադովոյե կոլցոն: Ժամանակակից մայրուղիները, տրանսպորտային հանգույցները և նույնիսկ մետրոպոլիտենը շարունակում են պահպանել այս սկզբունքը իրենց սխեմաներում: Սա թույլ է տալիս քաղաքի հեռավոր շրջաններից արագ հասնել կենտրոն:
Փոխադրման ընթացքում ժամանակ կունենաք սուրճ խմելու կամ ամսագիր թերթելու համար: Մոսկվայում ամառային արձակուրդների մասին շատ օգտակար տեղեկություններ կան: Օրինակ, կարող եք կարդալ թատրոնական ծրագիրը կամ ծանոթանալ ռեստորանների ցանկին: Աէրոէքսպրեսը հասնում է անմիջապես Մոսկվայի կենտրոն` Բելառուսկի երկաթուղային կայարան: Այստեղից հեռու չէ Պատրիարշիյե պրուդի-ն՝ Սադովոյե կոլցոյի հայտնի զբոսապուրակը:
Ժամանակին այստեղ կար երեք ջրամբար, որոնցում ձկներ էին բուծում: Հիմա մնացել է միայն մեկը: Դրա շուրջը գեղատեսիլ զբոսապուրակն է: Հնամենի լճակի ափին գտնվող ամառային տեռասայում կարող եք նախաճաշել և լավ ժամանակ անցկացնել: Հանգիստ ռոմանտիկ անկյուն Մոսկվայի կենտրոնում: Հատկանշական է մայրաքաղաքի ռեստորանների այս կամ այն դարաշրջանին հատուկ վերակերտվածքը:
Նախքան ճաշացանկին ծանոթանալը արժե շրջել ռեստորանի սրահներով, որպեսզի պատկերացում կազմեք, թե ինչպես են քաղաքի բնակիչները զարդարել իրենց տները տասնամյակներ առաջ:
Մոսկվայի ամենաբանուկ փողոցներից մեկը Տվերսկայան է: Այն ձգվում է Կարմիր հրապարակից մինչև Տրիումֆալնայա հրապարակ: Ռուսական կայսրության օրոք կայսրերը հենց Տվերսկայա փողոցով էին մտնում քաղաք: Ռոմանտիկ և գործարար Մոսկվայի հակադրությունը այստեղ անմիջապես զգացվում է: Այստեղ են նախընտրում կանգ առնել հարուստ զբոսաշրջիկները՝ ընտրելով հինգաստղանի հյուրանոցներից մեկը:
Հյուրանոցներ այստեղ սկսեցին հայտնվել 18-րդ դարից: Ցարեգրադսկի պանդոկ, «Ինտուրիստ» հյուրանոց, իսկ այժմ «Ռից Կառլտոն» հյուրանոցը շատ հարուստ զարդարված է:
Այստեղ կան բազմաթիվ ծեփակերտ զարդաքանդակներ, սյուներ, հայելիներ։ Որպես հիմք դիզայներները ընդունել են Մոսկվայի և Սանկտ Պետերբուրգի պալատների դասական ինտերիերը: Հատկանշական է, որ հյուրանոցի ձևավորման վրա օգտագործվել է քսանհինգ կիլոգրամ նրբաթերթ ոսկի: Կայսերական ոճ, բազմաթիվ հնաոճ իրեր: Պետությունների ղեկավարները, թագաժառանգ արքայազները, հայտնի դերասանները հաճախ են կանգ առնում այստեղ։ Հայտնվելով այս հյուրանոցում անպայման բարձրացեք շենքի տանիք, որտեղ կա ընդարձակ տեռասա:
Ամեն տարի մոսկովյան հինգաստղանի հյուրանոցներն անպայման ներառվում են աշխարհի լավագույն հյուրանոցների ցանկում:
каждый год непременно попадают в списки лучших отелей мира.
