Թոփ 10 հիմար հարցերը քաղաքացիական ավիացիայի օդաչուներին

Մենք բոլորս էլ կյանքում գոնե մեկ անգամ թռչել ենք ինքնաթիռով։ Եվ մեզանից յուրաքանչյուրի մոտ, անշուշտ, առաջացել են հիմար հարցեր, որոնք ցանկացել ենք տալ օդաչուներին, բայց անհարմար է եղել դա անել։ Մենք դա կանենք Ձեր փոխարեն, և հիմա Դուք կստանաք այն հարցերի պատասխանները, որոնք հաճախ առաջացել են օդանավերի ուղևորների մոտ։ Հարցերին պատասխանում են պրոֆեսիոնալ օդաչուները։

Եվ այսպես, գնացինք։

Հարց 1

-Վախենու՞մ եք թռչել։

-Ոչ, ի՞նչպես կարելի է վախենալ, եթե օդաչուները վախենաին, ապա ուղևորները այդ դեպքում չէին թռչի։ Նրանք կտեղաշարժվեին գնացքներով, մեքենաներով։

Հարց 2

– Օդանավի խցիկում բոլոր կոճակները սեղմե՞լ եք։

– Իհարկե։ Խցիկում ամեն ինչ արվում է խստորեն սահմանված կանոնների համաձայն: Որոշ կոճակներ, օրինակ, տեխնիկների համար են նախատեսված: Դրանց օդաչուն ընդհանրապես չի դիպչում իր աշխատանքի ժամանակ։ Իսկ այն ամենը, ինչ վերաբերում է օդանավի կառավարման համակարգին՝ իհարկե:

Հարց 3

-Ինչպե՞ս չբախվել կայծակին:

-Իրականում օդաչուները շրջանցում են ամպրոպը: Դրանք ցուցադրվում են իրենց էկրանին: Տեսնում են ամպրոպի օջախները: Շրջանցում են դրանք։ Նույնիսկ եթե ինքնաթիռը ընկնում է հենց այդ ապրոպի օջախների մեջ և կայծակը խփում է ինքնաթիռին, սկզբունքորեն, ինքնաթիռի հետ ոչինչ սարսափելի չի լինի, քանի որ այն պաշտպանված է։ Կան տարբեր պարպիչներ և այլ սարքավորումներ, որոնք գտնվում են թևերի վրա։ Բայց օդաչուները, այնուամենայնիվ, փորձում են շրջանցել երթուղիների վտանգավոր հատվածները, ուստի ռիսկը հասնում է նվազագույնին։

Հարց 4

-Ինչպե՞ս չբախվել մեկ այլ ինքնաթիռի։

-Յուրաքանչյուր ուղևորատար ինքնաթիռ հագեցած է հատուկ համակարգով, որը ստեղծվել է օդանավերի երթուղիների կարգավորումը իրականացնելու համար: Եթե, օրինակ, ինքնաթիռները թռչում են հանդիպակաց կամ խաչվող ուղղությամբ, ապա որոշակի հեռավորության վրա հրամաններ են հնչում՝ մեկ օդանավին իջնել, մյուսին  բարձրություն հավաքել։

Օդաչուի էկրանին կանաչ հատված է հայտնվում, որտեղ նա պետք է տանի ինքնաթիռը։ Ինքնաթիռները բաժանվում են։ Բացի այդ, երկրից դիսպետչերները վերահսկում են երկնքում առկա բոլոր իրավիճակները, տալիս ուղղություններ և կառավարում են օդանավերը: Բացի այդ, օդային երթուղիները նախագծված են այնպես, որ հանդիպակաց ինքնաթիռները թռչեն տաբեր մակարդակներում՝ կենտ և զույգ (ոմանք ավելի բարձր, մյուսները ներքև)։

Հարց 5

-Ինչու՞ է արկղը սև։

-Ամենայն հավանականությամբ, այն կոչվում է այդպես, քանի որ բացահայտում է վերջին տեղեկությունները, անձնակազմի վերջին խոսակցությունները դիսպետչերների հետ աղետից առաջ։ Իրականում տուփը վառ նարնջագույն է։ Ներկված է հատուկ վառ գույնով, որպեսզի հեշտ լինի գտնելը։

Հարց 6

– Ինչու՞ առաջ թույլատրվում էր ծխել ինքնաթիռներում, իսկ հիմա դա արգելված է։

-Նախկինում կարելի էր ծխել ամենուրեք, բայց ինքնաթիռներում դա վտանգավոր է։ Եվ մասնագետները եկել են  այն եզրակացության, որ հրդեհի առաջացման մեծ վտանգ կա։ Եղել են դեպքեր, երբ օդանավը օդում այրվել է 2 րոպեում, այրվել է ամբողջությամբ։ Դա շատ վտանգավոր է, թեև ժամանակակից ինքնաթիռներում դեռևս մնացել են մոխրամաններ անձնակազմի խցիկներում: