Կալինինգրադի յուրահատկությունը կայանում է նրանում, որ այն չունի սահմաններ Ռուսաստանի այլ շրջանների հետ: Հարակից է Լիտվայի և Լեհաստանի հետ, իսկ արևմուտքում նրա ափերը ողողում են Բալթիկ ծովի ջրերը: Այստեղից մինչև Ռիգա, Բեռլին և Վիլնյուս հասնելը ավելի արագ կլինի, քան մինչև Մոսկվա:
Քաղաքի պատմությունը սկսվել է 1255 թվականին: Սկզբում սա հին պրուսական Քյոնիքսբերգ բնակավայրն էր՝ հիմնադրված տևտոնական ասպետների կողմից: Այնուհետև յոթ դար շարունակ այն եղել է գերմանական քաղաք: Քյոնիքսբերգը խորհրդային դարձավ 1946 թվականին, երբ Երկրորդ համաշխարհային պատերազմի ավարտից հետո, գերմանական տարածքի մի մասը փոխանցվեց ԽՍՀՄ -ին:
Քաղաքը ուժեղ ռմբակոծությունների է ենթարկվել և գրեթե ամբողջությամբ ավերվել է: Հետպատերազմյան առաջին տարիներին Քյոնիքսբերգի նկատմամբ վերաբերմունքը բարբարոսական էր: Այն օգտագործվել է որպես շինանյութի աղբյուր Լենինգրադի, Ռիգայի և խորհրդային այլ քաղաքների վերականգնման համար: Գերմանական ճարտարապետության արժեքները այդ ժամանակ չէին երևում:
Քաղաքի ավերակների մաքրմանը զուգահեռ սկսվեց ռուսացման գործընթացը: Բոլոր փողոցներն ու հրապարակները ստացան ռուսական անուններ, իսկ Քյոնիքսբերգը վերանվանվեց Կալինինգրադ՝ ի պատիվ խորհրդային կուսակցական գործիչ Միխայիլ Կալինինի: Շատերն այդ մասին վիճում են մինչ այժմ և քաղաքի նման անվանումն արդար չեն համարում: Բազմիցս բարձրացվել է քաղաքին հին անվանումը վերադարձնելու հարցը:
Պատերազմից անմիջապես հետո որոշում է կայացվել Կալինինգրադի մարզից գերմանացի բնակչությանը Գերմանիա արտաքսելու մասին: Եվ 1947 թվականին այդ գործընթացը գրեթե ավարտված էր. գերմանական բնակչության փոխարեն վերաբնակեցվել են Խորհրդային քաղաքացիներ: Այսօր Կալինինգրադի բնակչությունը կազմում է 490,000 մարդ, իսկ Կալինինգրադի մարզը՝ ավելի քան մեկ միլիոն: Սա Ռուսաստանի ամենափոքր մարզն է:
Գերմանական դարաշրջանի բազմաթիվ շենքեր վերականգնվել են: Դրանցից մեկը Քյոնիքսբերգյան սինագոգն է: Ի սկզբանե այն կառուցվել է 1896 թվականին և ավերվել 1938 թվականին: Վերականգնվել է 2018 թվականին:
Մայր տաճարը Կալինինգրադի մեկ այլ տեսարժան վայրերից է՝ քաղաքի սիրտը: Կառուցված է աղյուսի գոթական ոճով, գտնվում է Կանտ կղզում և հայտնի է նաև որպես Կնեյֆոֆ: Այն Կալինինգրադի խորհրդանիշն է և քաղաքի ամենահին եկեղեցին: Նրա պատմությունը սկիզբ է առնում XIV դարում, երբ քաղաքը Պրուսիայի կազմում էր:
Այստեղ են թաղել հին երկրի տիրակալներին ու զորավարներին: Այժմ այն թանգարան է և համերգասրահ: Մայր տաճարը ընդունում է բոլոր նրանց, ովքեր ցանկանում են լսել կենդանի երգեհոնային երաժշտություն: Սա Ռուսաստանի ամենամեծ երգեհոնն է և նրան արժե լսել: Քյոնիքսբերգում է ապրել գերմանացի հայտնի փիլիսոփա Իմանուիլ Կանտը, իսկ նրա գերեզմանը գտնվում է տաճարի կողքին: Կալինինգրադի կենտրոնում միշտ մարդաշատ է, և միշտ զբաղվելու բան կա: Անցկացվում են փառատոններ և համերգներ բաց երկնքի տակ:
Մոտակայքում է գտնվում քաղաքի ամենագեղեցիկ մասը՝ ձկնորսական գյուղը՝ վերստեղծված հին գերմանական թաղամասը:
Նախկինում այստեղ իսկապես ձկնորսներ են ապրել և վաճառել իրենց որսը՝ առանց խրճիթների շեմից դուրս գալու: Այստեղ կա նոր առափնյա փողոց, սրճարանների հիանալի ընտրություն, գեղեցիկ տեսարան դեպի Պրեգոլյա գետը և դիտարկման աշտարակ-փարոս, որտեղից կարելի է դիտել Կանտ կղզին:
