Մինչ ամբողջ աշխարհը սարսափով հետևում է մոլորակի վրա կորոնավիրուսի տեղաշարժին, Աէրոֆլոտի օդանավերի պարկը համալրվում է: Airbus ընկերությունը A350-900 մոդելի առաջին օդանավը փոխանցել է «Աէրոֆլոտին»։ Ընդհանուր առմամբ, ռուսական խոշորագույն ավիաընկերությունը ձեռք է բերելու 22 նմանատիպ մոդելներ։ Օդանավը արդեն անվանվել է աշխարհահռչակ Պ.Ի. Չայկովսկու անունով։ Այն կանոնավոր չվերթներ կիրականացնի Մոսկվա-Սանկտ Պետերբուրգ (օրական 4 չվերթ)։
A350-900 նախատիպն իր փորձնական թռիչքը կատարել է 2013 թվականի հունիսի 14-ին, իսկ առաջին կոմերցիոն չվերթը՝ 2015 թվականի հունվարի 15-ին (Qatar Airways): Qatar Airways ընկերությունն է ամենաշատ A350-900 ինքնաթիռներ պատվիրել։
2020 թվականի մարտին արդեն մատակարարվել է 350 ինքնաթիռ և իրականացվել է ավելի քան 440 000 չվերթ։ Airbus – ի թռիչքի հեռավորությունը 15000 կմ է։
Հետաքրքիր փաստ է՝ Սինգապուր-Նյու Յորք ամենաերկար չվերթը՝ 16 700 կմ, A350-900-ը կատարել է 19 ժամում։
Ինքնաթիռի սրահի հարմարավետությունը՝
– կոնֆիգուրացիա 2– 4 – 2,
– լայն աթոռներ ոտքերի համար հենարանով,
– USB, USB-C և վարդակ,
– էկրան 14 դյույմ-ով։
Բիզնես դասը նաև հագեցած է վերջին սարքավորումներով։ Անհատական խցիկներ, բազկաթոռները պառկած դիրք ընդունելու հնարավորությամբ, կա զգեստապահարան, մեծ էկրան, շարժական սեղանիկ և այլ հարմարություններ։
Տոմսերի արժեքները՝
– էկոնոմ դասը դեպի Սանկտ Պետերբուրգ՝ սկսած 32 000 ռուբլուց,
– կոմֆորտը՝ սկսած 96 000 ռուբլուց,
– բիզնես դասը՝ 32 000 ռուբլի:
Թռիչքի տևողությունը 45 րոպե է։
Արտադրողը դիրքավորում է A350-900-ը, որպես առավել անաղմուկ։ Ձայնային աղմուկը 40% – ով ցածր է: Օդանավը հագեցած է Rolls-Royce ընկերության շարժիչով։
Ֆյուզելյաժը տրամագծով 6 մետր է։
Թռիչքի բարձրությունը (առավելագույնը) 13,1 հազար կիլոմետր է:
Կրեյսերային արագությունը՝ 910 կմ / ժ։
Տարողունակությունը՝ 316 ուղևոր է, այդ թվում՝ բիզնես դասում կարող են տեղավորվել 28 ուղևոր։
Միայն 2020 թվականին «Աէրոֆլոտ» ընկերությունը պլանավորում է իր օդանավերի պարկը համալրել A350-900 մոդելի ևս 11 օդանավով: