Նիդերլանդները մի երկիր է, որտեղ պատրաստվում են գերազանց պանիրներ և աճեցվում աշխարհի լավագույն կակաչները, որտեղ բնակչությունը շատ առաջադեմ է, իսկ հեծանիվը վաղուց դարձել է հիմնական տրանսպորտային միջոց: Երկիր, որտեղ անձի ազատությունն ու հանդուրժողականությունը դարձել են պետության հիմնական հենասյուները, իսկ ճարտարապետությունը ներկայացնում է ինչպես միջնադարյան, այնպես էլ գերժամանակակից շենքեր:
Նիդերլանդները պետություն է, որը բաղկացած է Արևմտյան Եվրոպայի հիմնական տարածքից և Կարիբյան ավազանի վեց տարածքներից: Պետության մայրաքաղաքը Ամստերդամ քաղաքն է:
Երկրում կլիման բարեխառն ծովային է: Սովորաբար բնորոշ են զով ամառներ և բավականաչափ տաք ձմեռներ: Հուլիսին միջին ջերմաստիճանը + 18-20 աստիճան է: Հունվարին միջին ջերմաստիճանը տատանվում է +2-4 աստիճանի սահմաններում:
Հոլանդացիները, հակառակ տարածված համոզմունքի, ապրում, աշխատում և պահպանում են ավանդական արժեքները: Չնայած այն փաստին, որ երկրում թույլատրվում են թեթև թմրամիջոցները, նիդերլանդցիները դրանք շատ ավելի հազվադեպ են օգտագործում, քան եվրոպական այլ պետությունների բնակիչները:
Նիդերլանդները շատ հետաքրքիր երկիր է՝ ինչպես պատմա – ճարտարապետական առումով, այնպես էլ բարձր տեխնոլոգիաների և առաջադեմ գյուղատնտեսության տեսանկյունից:
Այս երկրի բնակիչները գիտեն և սիրում են աշխատել: Այստեղ են աճեցնում աշխարհի լավագույն կակաչները, կառուցում անհավանական ճարտարապետական առանձնահատկություններով շենքեր և մշակում բազմաթիվ համակարգչային ծրագրեր և հավելվածներ: Նաև Նիդերլանդներում է, նավաշինական և մեքենաշինական լավագույն ձեռնարկությունները:
Ճարտարապետական բոլոր հուշարձանները, որոնք Թագավորությունում բավականին շատ են, պահպանվում են կատարյալ պայմաններում: Նիդերլանդցի նկարիչները մեծ ներդրում ունեն համաշխարհային գեղանկարչության մեջ: Նրանցից ամենահայտնիներն են Ռեմբրանդտը, Վերմերը, Վինսենթ վան Գոգը, Հիերոնիմոս Բոսխը:
Նիդերլանդների բնության հետ ամեն ինչ այնքան էլ լավ չէ՝ ի տարբերություն տեխնոլոգիաների և արվեստի: Սաղարթախիտ և սոճու անտառները զբաղեցնում են պետության տարածքի միայն 8% -ը: Հողերի մեծ մասն օգտագործվում է գյուղատնտեսության համար:
Նիդերլանդցիները որոշ հատկանիշներ երբեմն հիշեցնում են գերմանացիներին, և նույնիսկ նրանց լեզուն որոշ չափով նման է: Նրանք սիրում են ճշտապահություն, նույնիսկ պլանավորում են իրենց մտերիմների և բարեկամների հետ հանդիպումները իրենց օրագրում: Նիդերլանդցիները զուսպ են և երբեք չեն խառնվում ուրիշի գործերի մեջ: Դրա հետ մեկտեղ նրանք ազնիվ են և անկեղծ: Եթե Ձեզ հարկավոր է ինչ-որ բանի վերաբերյալ կարծիք իմանալ, նրանք կլինեն շատ անկեղծ, ամեն ինչ կասեն այնպես, ինչպես կա:
Ի հակառակ տարածված կարծրատիպերի, երկրի բնակիչների մեծ մասը ամբողջ տարվա ընթացքում սպորտով է զբաղվում և հոգ է տանում իր առողջության մասին: Նիդերլանդցիները ընկերասեր են, նրանց հետ հեշտ է շփվել:
Յուրաքանչյուր նիդերլանդցու սիրված տրանսպորտային միջոցը հեծանիվն է:
Նիդերլանդներում հեծանիվը ճանապարհների թագավորն է: Մեքենաներն ու հետիոտները մղվում են հետին պլան: Հեծանիվները բառացիորեն ողողել են ողջ երկիրը: Նրանց թիվը հասնում է միլիոնի: Դրանք ունեն իրենց սեփական լուսացույցերը և կայանատեղիները:
Նիդերլանդները շատ զարգացած երկիր է և նավաշինության ոլորտում առաջատարներից մեկը:
Նիդերլանդները իդեալական երկիր է ապրելու համար, եթե չասենք երկու մեծ մինուս՝ վատ կլիմա և ջրհեղեղի մշտական վտանգ, քանի որ երկրի մեծ մասը գտնվում է ծովի մակարդակից ցածր:
