Կամչատկայի խստաշունչ թերակղզին գտնվում է Ռուսաստանի արևելյան ծայրամասում: Սա մի հեռավոր ու վայրի ռուսական հող է, որը հարմարեցված չէ կյանքի համար: Այն տարածքներում, որոնք անհասանելի են մնացած աշխարհի համար, բացվում են չտեսնված բնապատկերներ, այստեղ եռում է կենդանական կյանքը: Այս զարմանահրաշ վայրում բախվում են դրախտն ու դժոխքը. կարծես լինի անկայուն հավասարակշռություն կյանքի և մահվան միջև:
Պետրոպավլովսկ-Կամչատսկին Կամչատկայի երկրամասի վարչական կենտրոնն է՝ Ռուսաստանի ամենաարևելյան քաղաքը՝ հնագույն պատմությամբ և դժվարին ճակատագրով: Այն գտնվում է Ավաչա ծովածոցի գեղեցիկ ափերին, որը հայտնաբերել են կազակները 17-րդ դարում: Ավաչա ծովածոցը համարվում է ամենագեղեցիկներից մեկը Խաղաղ օվկիանոսի ափերին: Այստեղ՝ երկրի եզերքին, ռուս ծովագնացները Վիտուս Բերինգի ղեկավարությամբ հիմնադրել են առաջին բնակավայրը, որը հետագայում դարձավ Ռուսաստանի գլխավոր հյուսիսարևելյան ամրակետը:
Կամչատկան աշխարհի «ամենաշոգ» կետն է: Այստեղ տարեկան 3-ից 7 հրաբխային ժայթքում է տեղի ունենում։ Եվ դա երաշխավորված է: Տարբեր տվյալներով Կամչատկայում մի քանի հարյուրից մինչև 1000 հրաբուխ կա: Իսկ նրանցից 29-ը ակտիվ են:
Պետրոպավլովսկ-Կամչատսկին միայն 2020 թվականին դարձավ հարմարավետ ապրելու և գրավիչ զբոսաշրջիկների համար:
Իհարկե, դեռ կան համակարգային խնդիրներ, որոնք կուտակվել են տասնյակ տարիների ընթացքում: Ի սկզբանե քաղաքը կառուցվել է որպես ժամանակավոր քաղաք, այսինքն մարդիկ այստեղ էին գալիս սեզոնային աշխատանքների համար և գումար կուտակելով՝ գնում էին ապրելու մայրցամաքում: Ուստի քաղաքը չի կարող պարծենալ գեղեցիկ շինություններով: Բացի այդ, շինարարության ժամանակ հաշվի են առնվել գոտու սեյսմիկ պայմանները, այսինքն շինությունները կանգնեցվել են ամուր, ցածլիկ, ինչպես արկղերը:
Սակայն, այսօրվա դրությամբ արդեն ստեղծվել են մի քանի զբոսայգիներ «հարմարավետ քաղաքային միջավայր» դաշնային ծրագրի շրջանակներում: Գլխավոր այգին գտնվում է Նիկոլսկայա բլրի վրա՝ քաղաքի կենտրոնում, այն նվիրված է 1854 թվականի պատմական իրադարձություններին՝ Պետրոպավլովսկի պաշտպանությունը անգլո-ֆրանսիական ջոկատից: Աստիճանաբար վերափոխվում են հրապարակները, կառուցվում են նոր հյուրանոցներ: Իրականում Պետրոպավլովսկ-Կամչատսկում ապրելը հեշտ չէ: Այստեղ լինում են սաստիկ սառնամանիքներ և առատ ձյուն է տեղում, որը դժվար է անմիջապես մաքրել: Սակայն անհարմարությունները փոխհատուցվում են անկրկնելի անաղարտ բնությամբ, մաքուր օդով, կենդանական աշխարհի բազմազանությամբ: Կամչատկան հարուստ երկրամաս է. այստեղ կա ոսկի, պլատին, ինչպես նաև կարմիր ձուկ:
