Գաղտնի խորհուրդներ պրոֆեսիոնալ բորտուղեկցորդներից, թե ինչպես ճանապարհորդության ժամանակ պաշտպանել Ձեր ուղեբեռը գողությունից

Ինչպե՞ս պաշտպանել Ձեր ուղեբեռը գողությունից, երբ մեկնում եք ճանապարհորդության: Այս հարցը Ձեզանից շատերին է հետաքրքրում հատկապես ամռանը, երբ պատրաստվում եք մեկնել հանգստի:

Ուղեբեռը գողերը կարող են բացել միայն մեկնելիս: Նրանք ավելի շատ ժամանակ ունեն ճամպրուկը բացելու և իրենց դուր եկած իրը վերցնելու համար: Գողությունից խուսափելու համար կա միայն մեկ ճանապարհ՝ երբեք մի պահեք թանկարժեք իրերը ուղեբեռում:

Բջջային հեռախոսները, նոութբուքները, պլանշետները, էլեկտրոնիկան, զարդերը պահեք ձեռքի ուղեբեռում: Այնուամենայնիվ, եթե ստիպված լինեք թանկարժեք իրերը թողնել ուղեբեռում, ապա մի ծուլացեք և ցուցակագրեք ամենաարժեքավոր առարկաները: Դուք մի քիչ ավելի շատ ժամանակ և նյարդեր կծախսեք, բայց դա ապացույց կհանդիսանա, որ Դուք ունեք այդ իրերը: 

Մի գնեք ճամպրուկներ, որոնք չափազանց թանկ են: Դրանք ուշադրություն են գրավում: Ձեր ճամպրուկը պետք է պարզապես լինի վառ և ճանաչելի: Փորձառու ճանապարհորդները խորհուրդ են տալիս փաթեթավորել ճամպրուկները:  Նախ՝ դա կպաշտպանի կեղտից և քերծվածքներից, և երկրորդ՝  Դուք կստանաք կտրոն, որը գողության դեպքում ապացույց կհանդիսանա, որ Ձեր ճամպրուկը փաթեթավորված է եղել:

Սակայն, որոշ օդանավակայաններում վայրէջքի ընթացքում հնարավոր է խնդրեն բացել ճամպրուկը: Բնականաբար, Դուք ստիպված կլինեք կրկին փաթեթավորել Ձեր ճամպրուկը: Այդ իսկ պատճառով էլ փորձառու բորտուղեկցորդները խորհուրդ են տալիս Ձեզ հետ սննդի փաթեթավորման համար սովորական թաղանթ վերցնել: Այս դեպքում գողի համար դժվար կլինի ճամպրուկ բացելը, նա ավելի շատ ժամանակ կկորցնի:

Որոշ երկրներում, օրինակ, Իսրայելում, ԱՄՆ-ում և Մեծ Բրիտանիայում արգելվում է փաթեթավորել ճամպրուկը: Նրանց անվտանգության ծառայությունը պահանջում է, որ ճանապարհորդի ուղեբեռը միշտ հասանելի լինի զննման համար:

Հիշե‘ք

Երբեք փորձառու գողերին չի կանգնեցնի Ձեր ճամպրուկի փոքրիկ կողպեքը, նույնիսկ եթե այն ծածկագիր ունի։ Նման ճամպրուկը բացելը գողից մի քանի վայրկյան կխլի։ Ճամպրուկը պաշտպանելու ժամանակակից մեթոդներից է ազդանշանիչի տեղադրումը, որի ձայնի բարձրությունը 120 դեցիբել է և այն լսելի է հարևան սենյակում։ Դա կօգնի վախեցնել գողերին և կգրավի անվտանգության աշխատակիցների ուշադրությունը: Եթե ​​ժամանման երկրում Ձեր ճամպրուկը բացվել է մաքսային ծառայության կողմից, ապա նրանք պարտավորվում են Ձեր ճամպրուկի վրա պիտակ փակցնել: Եվ առաջինը, ում պետք է դիմեք ժամանելիս, եթե Ձեր ճամպրուկը բացել են, դա մաքսային ծառայությունն է:

Եթե Ձեր ուղեբեռը կորել է, տասը դեպքից իննում օդանավակայանը կգտնի դա: Այնուամենայնիվ, ապացուցել, որ որոշ իրեր կորել են, շատ ավելի դժվար կլինի: Խորհուրդ ենք տալիս օգտվել ապահովագրական ընկերությունների ծառայություններից: Ծառայությունն արժե ուղեբեռի արժեքի մոտ 1% -ը:

Մեկնելուց առաջ ճամպրուկի վրա նշան արեք։ Դրա համար հարմար կլինի ձեռքի տակ եղած ցանկացած միջոց՝ամրակներ, ժապավեններ, թելեր, կարթալարեր: Այս ամենը կօգնի Ձեզ պարզել, թե արդյոք որևէ բան դուրս են բերել Ձեր ճամպրուկից:

Եթե ժամանել եք օդանավակայան և տեսել, որ Ձեր կողմից արված նշանը տեղում չէ, անմիջապես բացեք ճամպրուկը և հայտնեք գողության մասին, քանի որ տուն գալուց հետո դժվար կլինի որևէ բան ապացուցել:

Տեղեկանքը այն մասին, որ գողության փաստով հարուցվել է քրեական գործ, անհրաժեշտ է Ձեզ ապահովագրական ընկերության համար։ Առանց այս տեղեկանքի Դուք չեք կարող ապահովագրական փոխհատուցում ստանալ:

Որպեսզի ապացուցեք, որ Ձեր ճամպրուկը բացել են, անհրաժեշտ է ներկայացնել.

• Ձեր ճամպրուկում գտնվող ապրանքների կտրոնները,
• մաքսային հայտարարագիրը,
• ճամպրուկի պիտակը, որտեղ նշված է դրա քաշը;
• պատռված փաթեթը:

Երբ հանձնում եք Ձեր ուղեբեռը, անպայման ուշադրություն դարձրեք նրա քաշին ՝ ընդհուպ մինչև գրամներին: Եթե Ձեր ճամպրուկը բացեն և այնտեղից ինչ-որ բան դուրս բերեն, ապա այդ դեպքում քաշը կտարբերվի: Այս հարցում Ձեզ կօգնի ճամպրուկի վրա փակցված պիտակը։ Քաշի տարբերությունը կապացուցի, որ Ձեր ճամպրուկը բացել են և միջից ինչ-որ բան են դուրս բերել։